- U Angiuìcchje

Faccia scavate, spadde 'ngurvate
rète a na screvanìe accucchevàte.
Ce u acchiamìende se secure ca pe scummèsse
s'ammandènnene allenpìede chère quàtte òsse.
Accummìenze a parlà e ìdde sùbbete vè a scavà
chère ca vù dìsce, chère ca vù fà.
Lèsce, scrìve, scummògghje le fatte
pe mèttele sàupe o giornale sàtte-esàtte.
Nan'è Quaratìne, è de fore-terre
e o pòste de fàlle nùe, l'è fatte ìdde la guerre
còntre a tòtte re càuse tòrte
c'àune velùte fà passà da sòtte la pòrte,
russe, nere e d'ògnie razze
ca s'àune date u cànge sàupe o Palàzze.
Sò vìnd'ànne ca n'è fatte sta càusa 'bòne
e nùe mò ce tenìme assè a cùsse "Stradòne"
ca ògnie mese arrìve addongatè
a ce da Quaràte mànghe d'ave assè,
pe fàlle sendì mène la nostalgìe
e dìsce chère ca seccède ìnde o paìse dìe pe dìe.
Stè nu àlte fatte ca le fasce onòre:
u fatte ca è pure ne sultàte du Segnòre.
Emìlie è u nome e D' Angele u cognome
e spère ca accumenzènne da Ròme
ascennènne abbàsce fìnghe a Quaràte
s'arrecòrdene du vecchiarìedde ca Crìste n'è mannàte.
Nùe Quaratìne l'àma fà na nìcchje
percè rète a cùre vècchje se nascònne nu angiuìcchje.